نكت تودى فى داهية

الريس :اخبرنى بصراحة يا نظيف ولا داعى للمجاملة أو
النفاق نظيف : أمرك يا ريس
الريس : أنا الأفضل ولا عبدالناصر ؟
نظيف : انت طبعا يا ريس .. جمال مين اللى كان
بيخاف من الروس !!
الريس : طيب أنا الأفضل ولا السادات ؟
نظيف : سادات مين ياريس اللى كان بيخاف
من الأمريكان !!
الريس : طيب أنا الأفضل ولا عمر بن الخطاب ؟
نظيف : انت طبعا يا ريس .. عمر بن الخطاب كان بيخاف
من ربنا .. انت لأ
_________________

كان حسني مبارك بيخطب في الشعب .. فكل شويه واحد يقوم
ويقول عاش حسني مبارك موحد الاديان ويقعد... يروح حسني
مكمل كلامه وشويه ويقوم الراجل ويقول عاش حسني مبارك
موحد الاديان... فإتمسك امن دوله و......طااااااااخ ويقولوله
ايه الي انت بتقوله دا ازاي موحد الاديان؟
دي مصر فيها مسيحين ويهود ومسلمين و....طااااااخ ...فرد
عليهم يا باشا ماهوه اللي مكفرنا كلنا
_____________________

بيقولك واحد تانى لقى الفانوس السحرى ودعكه طلعله
العفريت وقاله: شبيك لبيك تطلب أيه؟
قاله الراجل: أنا عايز كوبرى بين القاهره وأسوان
العفريت قاله: دى صعبه قوى .. نقى حاجه تانيه الراجل قاله:
خلاص خلى الريس يسيب الحكم
العفريت قاله:طيب أنت عايز الكوبرى رايح جاى ولا رايح بس

ربنا يستر عليا ...انا بهرج والله .. مش اقصد اى حاجه..والله
يا باشا البلد زى الفل ومحدش مضايق ولا زعلان
ولا اى حاجه ..حتى اسأل اى واحد من اللى فى المنتدى
ولا ايه يا شباب ؟؟؟؟!!!!

مشكورررررررررررررررررر على المجهود الرائع

يسلملى مروركـ الدااااائم يا جميل